دراسات عصریۃ فی الالھیات

الحادی سوچ بہت پرانی سوچ ہے جس کے خلاف نمائندگان الہی نے ہر زمانے میں جہاد کیا اور کسی بھی قسم کی قربانی سے دریغ نہیں کیا۔ یہ سوچ آج بھی پوری شدت کے ساتھ نسل نو کے معصوم اذہان کو تباہ کر رہی ہے۔ ایسے میں توحید کے علمبردار و بالخصوص علمائے دین کی یہ ذمہ داری بنتی ہے کہ وہ مقصد بعثت انبیاء اور اہداف نمائندگان خدا کے تحفظ کے لیے ضروری اقدامات اور کوششیں کریں۔ زیر نظر کتاب دراسات عصریہ فی الالھیات دور حاضر میں معاشرتی اقدار پر گہری نظر اور درد مندانہ انداز فکر رکھنے والے والے بزرگ عالم دین مفسر قرآن علامہ شیخ محسن علی نجفی دام ظلہ کے رشحات قلم سے منصہ شہود پر آئی ہے۔ چھ ابواب پر مشتمل اس کتاب کی تالیف کا مقصد الحادی افکار، نظریات اور شکوک و شبہات سے نسل نو کے پاکیزہ اذہان کو تحفظ فراہم کرنا ہے۔