رسالاتسلائیڈرمحافلمناقب امام مھدی عجمناقب و فضائل

امام مہدی عجل اللہ فرجہ الشریف کی انبیاء کرام کے ساتھ شباہتیں

اسلامی روایات میں امام زماں (عج)کی بعض پیغمبروں کے ساتھ مادی اور معنوی شباہتیں موجود ہیں۔ ان روایات کی کتاب "مکیال المکارم” میں جمع آوری کی گئی ہے۔
ان میں سے بعض روایتیں جو کتاب مکیال المکارم اور دیگر کتب میں درج ہیں حسب ذیل ہیں:
۱۔ پیغمبر اکرم (ص) سے روایت نقل کی گئی ہے کہ آپؐ نے فرمایا: مہدی میرے فرزندوں میں سے ہے اس کا نام میرا نام اور اس کی کنیت میری کنیت ہے اور خلقت اور اخلاق کے لحاظ سے میرے ساتھ شباہت رکھتا ہے۔
۲۔ حضرت ابراہیم(ع) کے ساتھ شباہت حضرت امام صادق (ع) سے روایت ہے کہ آپ نے فرمایاکہ: ابراہیم کا رشد باقی عام بچوں کی طرح نہیں تھا وہ ایک دن میں اتنا بڑھتے اور رشد کرتے تھے ، جتنا باقی بچے ایک ہفتہ میں بڑھتے ہیں، حضرت قائم (عج) بھی ایسے ہی تھے۔
۳۔ حضرت موسی (ع) کی اپنی قوم کے درمیان دو غیبتیں انجام پائی ہیں، جن میں سےایک غیبت دوسری سے طولانی تر تھی قائم (عج)کی بھی دو غیبتیں ہیں جن میں ایک غیبت دوسری سے طولانی ترہے۔
۴۔امام زمانہ (عج) کی حضرت عیسی (ع)کے ساتھ مشابہت یہ ہے کہ لوگوں نے حضرت عیسی(ع) کے بارے میں اختلاف کیا ،بعض کہتے ہیں کہ وہ اس دنیا میں تشریف نہیں لائے ہیں، بعض کہتے ہیں کہ انہوں نے وفات کی ہے اور تیسرا گروہ کہتا ہے کہ وہ قتل ہوئے ہیں اور ان کو سولی پر چڑھا دیا گیا ہے۔
۵۔ حضرت قائم(عج) میں حضرت نوح(ع) کی ایک سنت موجود ہے اور وہ طول عمر ہے۔
۶۔ جس طرح خدا نے حضرت آدم (ع) کو اپنا جانشین اور خلیفہ بنادیا حضرت حجت (عج) کو بھی زمین کا وارث اور خلیفہ قرار دے گا۔
۷۔ حضرت زکریا (ع) نے حضرت امام حسین (ع) کی مصیبت میں تین دن تک گریہ کیا ، حضرت قائم (عج) اپنی پوری عمر اور پوری مدت میں امام حسین (ع) پر گریہ کرتے ہیں۔
۸۔ حضرت یوسف(ع) اپنے زمانے کے سب سے خوبصورت شخص تھے اور امام مہدی(عج)بہشتیوں کے طاووس ہیں۔
۹۔ خداوند تبارک و تعالی نے حضرت خضر(ع) کی عمر طولانی کی اور حضرت قائم (عج)کو بھی طولانی عمر عطا کی۔
اسلامی روایات میں حضرت امام زمانہ (عج)کی بعض پیغمبروں کے ساتھ مشابہت کے بارے میں بہت ساری روایات اور احادیث ذکر ہوئیں ہیں۔ اور بعد میں طبع ہونے والی کتابوں نے ان روایات کو گذشتہ کتابوں سے اقتباس کیا ہے۔
ان ہی کتابوں میں سے ایک کتاب "کتاب مکیال المکارم” ہے کہ جو آیۃ اللہ سید محمد تقی موسوی اصفہانی نے تالیف کی ہے۔ ان روایات میں سے بعض جو کتاب مکیال المکارم میں موجود ہیں ،وہ بعض دوسری کتابوں میں بھی موجود ہیں ،مندرجہ ذیل ہیں:
حضرت مہدی (عج) کی اولو العزم پیغمبروں کے ساتھ مشابہت:
۱۔ حضرت امام مہدی (عج) کی حضرت محمد(ص) کے ساتھ مشابہت۔
حضرت رسول اکرم (ص) سے روایت ہے کہ آپ نے فرمایا: مہدی میرے فرزندوں میں سے ہیں ، ان کا نام میرا نام ، کنیت میری کنیت، اور خَلق خلقت( اور خُلق )اخلاق کے لحاظ سےلوگوں میں وہ مجھ سے زیادہ شبیہ ہیں۔اس روایت سے معلوم ہوتا ہے کہ حضرت مہدی (عج) ظاہری شکل اور اخلاق و کردار کے لحاظ سے لوگوں میں حضرت محمد (ص) کے شبیہ ہیں۔
(مکیال المکارم ، ج ۱، ص ۳۲۰)
حضرت ابراہیم (ع)سے کے ساتھ امام مہدی (عج)کی شباہت-
حضرت امام صادق(ع) سے روایت ہے کہ حضرت ابراہیم (ع) کا رشد عام بچوں کی طرح نہیں تھا ۔ وہ ایک دن میں میں اتنا بڑھتے تھے کی دوسرے بچے ایک ھفتےمیں بڑھتے تھے ، حضرت قائم (عج) بھی حضرت حکیمہ خاتون کی روایت کے مطابق ایسے ہی تھے۔ (بحار، ج ۵۱ ص و ج ۱۲ ص ۱۹، یہ اس بات سے کنایہ ہے کہ وہ غیر معمولی طور پر بڑے ہوتے تھے)
۳۔ حضرت موسی (ع) کے ساتھ امام مہدی(عج)کی شباہت:
امام زین العابدین (ع) نے ایک روایت کے مطابق فرمایا: حضرت موسی (ع) کی اپنی قوم کے درمیان دو غیبتیں انجام پائی ہیں ، کہ ان میں سے ایک غیبت دوسری سے طولانی ترتھی ، پہلی غیبت مصر میں تھی اور دوسری غیبت اس وقت تھی جب وہ کوہ طور پر اپنے پروردگار کے میقات پر چلے گئے، حضرت قائم (عج) کی بھی دو غیبتیں ہیں، جن میں سے ایک غیبت دوسری سے طولانی ترہوگی۔
(مکیال المکارم س ۲۸۹)
۴۔ حضرت عیسی (ع) کے ساتھ امام مہدی (عج) کی شباہت۔
الف: امام باقر (ع) فرماتے ہیں: حضرت عیسی (ع) کے ساتھ ان [امام زمانہ]کی کی مشابہت یہ ہے کہ لوگوں نے حضرت عیسی (ع) کے بارے اختلاف کیا، بعض کہتے تھے کہ وہ ابھی اس دنیا میں تشریف نہیں لائے ہیں، دوسری جماعت کہتی ہے کہ وہ وفات پا چکے ہیں، اور تیسری جماعت کہتی ہے کہ وہ قتل کئےگئے ہیں اور سولی پر چڑھا دیئے گئے ہیں۔ حضرت قائم (عج)کے بارے میں ایسا ہی اختلاف موجود ہے۔
ب: جیسا کہ حضرت عیسی (ع) اپنے زمانے کی بہترین خاتون کے بیٹے تھے اور ماں کے بطن میں گفتگو کرتے تھے اور گہوارے میں بات کرتے تھے ، خداوند متعال اسے عرش الٰہی پر لے گیا، اور وہ خدا کے اذن سے مردوں کو زندہ کرتے تھے ، حضرت قائم (ع) بھی ایسے ہی ہیں۔
۵۔ حضرت نوح (ع)کے ساتھ شباہت
الف : امام زین العابدین (ع) فرماتے ہیں: حضرت قائم (عج)میں حضرت نوح (ع) کی ایک سنت موجود ہے اور وہ طولانی عمر ہے۔ (اعلام الوری، ج ۱ ، ص ۳۲۲)
ب: نوح نے اپنی دعا کے ذریعے زمین کو کافروں سے پاک کردیا اور فرمایا: پروردگارا! زمین کے اوپر، کسی بھی کافر کو جگہ مت دے
(سورہ نوح ۲۶)
قائم (ع) بھی زمین کو کافروں کے وجود سے صاف کردیں گے یہاں تک ان کا نام و نشان بھی نہ رہے گا۔
(مکیال المکارم ص ۲۵۳)
باقی پیغمبروں(ع)کے ساتھ حضرت مہدی (عج)کی شباہت:
۱۔ حضرت آدم (ع) کے ساتھ حضرت مہدی (عج) کی شباہت:
خداوند متعال نے حضرت آدم (ع) کو زمین پر اپنا خلیفہ قرار دیا، اور اسے زمین کا وارث بنایا جیسا کہ سورہ بقرہ کی آیت نمبر ۳۰ میں فرمایا ہے: ” انی جاعل فی الارض خلیفۃ”میں نے زمین پر اپنا جانشین مقرر کیا ہے، حضرت حجت (عج) کو بھی زمین کا وارث اور خلیفہ مقرر کیا جائے گا، جیسا کہ امام صادق (ع)سے سوہ نور کی ۵۵ آیت کی تفسیر میں منقول ہے کہ
” اللہ نے تم میں سے صاحبان ایمان و عمل صالح سے وعدہ کیا ہے کہ انہیں روئے زمین میں اسی طرح اپنا خلیفہ بنائے گا جس طرح پہلے والوں کو بنایا ہے”۔
وہ حضرت قائم اور اس کے اصحاب ہیں جو ظہور کے وقت مکہ میں اپنے چہرے پر ہاتھ رکھ کر فرمائیں گے
” الحمد للہ الذی صدقنا و وعدہ و اورثنا الارض”
اس خدا کا شکر ہے کہ جس نے ہمارے بارے اپنے وعدے پر عمل کیا اور زمین کو ہماری میراث قرار دیا۔
۳۔ حضرت ہابیل(ع) کی حضرت مہدی (عج)کے ساتھ شباہت:
رشتوں میں سب سے نزدیک رشتہ دار یعنی بھائی قابیل نے ھابیل کو قتل کیا، اسی طرح حضرت قائم(عج) کے سب سے نزدیک فرد نے بھی امام (عج)کو قتل کرنے کی کوشش کی ، اور وہ حضرت(عج)کا چچا جعفر کذاب تھا۔
(کمال الدین ، ج ۱۱ ص ۳۲۰)
۳۔ حضرت ہود (ع) کے ساتھ حضرت مہدی (عج)کی شباہت
جیسے ، حضرت نوح(ع) نے حضرت ہود (ع)کے ظہور کی بشارت دی تھی اور خداوند متعال نے کافروں کو اس کے ذریعے ہلاک کیا (مکیال المکارم ص ۲۵۸، ص ۱۳۵)
حضرت قائم(عج) کے اباء و اجداد کو بھی اس کی پوری خصوصیات کے ساتھ خوشخبری دی گئی اور ان کی غیبت اور ظہور کے بارے میں اطلاع دی گئی۔ اور خداوند متعال ،حضرت (عج)کے ذریعے بعض کافروں کو بھی ہلاک کرڈالیں گے۔
(مکیال المکارم ص ۲۵۸، ۲۵۹)
۴۔ حضرت اسماعیل (ع) کے ساتھ حضرت قائم (عج) کی شباہت:
خداوند متعال نے جیسے حضرت اسماعیل(ع) کی ولادت کی بشارت دی ہے۔ حضرت قائم (عج)کے بارے میں بھی بشارت دی ہے۔
(مکیال المکارم ص ۳۶۶)
حضرت اسماعیل (ع) کےلئے زمین سے زمزم کا چشمہ نکل آیا حضرت قائم (عج )کے لیے سخت پتھر سے پانی پھوٹ جائے گا۔
۵۔ حضرت یوسؑف کے ساتھ حضرت مہدی (عج) کی شباہت:
الف : ابو بصیر نے امام باقر (ع) سے روایت کی ہے کہ آپ نے فرمایا: حضرت قائم (عج)کو حضرت یوسف (ع)کے ساتھ شباہت تھی۔ ، راوی کہتا ہے کہ میں نے عرض کی وہ کیا ہے؟ فرمایا: غیبت اور انتظار فرج کا ہونا۔
ب: امام باقر(ع) نے ایک اور روایت میں فرمایا: جیسا کہ خدا کے امر سے حضرت یوسف (ع) اور ان کے والد کے درمیان فاصلے کو پوشیدہ رکھا تھا اس کے باوجود کہ وہ آپس میں نزدیک تھے ۔ حضرت مہدی(عج) کو بھی شیعوں کے ساتھ نزدیک ہونے کے باوجود بھی ان کی نظروں سے غائب رکھا ہے۔
ج: حضرت یوسف(ع) بھی کافی طولانی مدت کے لیے غائب ہوئے ہہاں تک اس کے بھائی داخل ہوئے اور ان کو پہچان لیا ، لیکن وہ حضرت یوسف (ع) کو نہیں پہچانتے تھے، امام مہدی(عج) بھی غائب رہیں گے اور جبکہ وہ شیعوں کے درمیان موجود ہیں اور چل پھر رہے ہیں لیکن وہ امام [عج]کونہیں پہچانتے ہیں، لیکن امام انہیں پہچانتے ہیں۔
د: حضرت یوسف(ع) اپنے زمانے کے سب سے خوبصورت فرد تھے پیغمبر اکرم[ص] نے فرمایا: مہدی اہل جنت کے طاووس ہیں۔
ھ: خداوند متعال نے حضرت یوسف(ع) کے امر کی ایک ہی رات میں اصلاح کی کہ مصر کے بادشاہ نے خواب میں دیکھا اور پیغمبر اکرم(ص) سے روایت ہے کہ فرمایا: مھدی ہم اھل بیت میں سے ہیں، خداوند ان کے امر کو ایک راہت میں اصلاح فرمائے گا۔
۵۔ حضرت خضر(ع) کے ساتھ حضرت امام زمان(عج) کی شباہت:
خداوند تبارک و تعالی نےحضرت خضر(ع) کی عمر کو طولانی کیا، اور یہ بات فریقین کے نزدیک مورد قبول ہےکہ، حضرت قائم (عج) کے بارے میں بھی ایسا ہی کیا، اور ان کی عمر کو طولانی کیا ، بعض روایات سے استفادہ ہوتا ہے کہ حضرت خضر(ع) کی عمر طولانی ہونا حضرت قائم(عج) کے طولانی عمر کی دلیل ہے۔
۶۔ حضرت زکریا(ع) کے ساتھ حضرت مہدی(عج) کی شباہت:
حضرت زکریا(ع) نے حضرت ابا عبد اللہ حسین (ع) پر تین دن گریہ کیا جیسا کہ احمد بن اسحاق نے روایت کی ہے
(الاحتجاج، ج ۲، ص ۲۶۸)
حضرت قائم (عج( بھی پوری عمر اور پورے زمانےمیں امام حسین پر گریہ کر رہے ہیں، جیسا کہ زیارت ناحیہ میں آیا ہے
لاندبنک صباحا و مساء و لابکین علیک بدل الدموع دما
دن رات آپ کے اوپر گریہ کروں گا اور آنسووں کے بدلے خون بہاونگا۔
(مکیال المکارم ج ۱، ص ۳۱۳)
https://www.islamquest.net/Source:

اس بارے میں مزید

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button