متعہ (معینہ مدت کانکاح)
مسئلہ (۲۴۳۹)عورت کے ساتھ متعہ کرنااگرچہ لذت حاصل کرنے کے لئے نہ ہو تب بھی صحیح ہے لیکن عورت یہ شرط نہیں رکھ سکتی کہ مرد کوئی اس سے جنسی لذت حاصل نہ کرے۔
مسئلہ (۲۴۴۰)احتیاط واجب یہ ہے کہ شوہرنے جس عورت سے متعہ کیاہواس کے ساتھ چارمہینے سے زیادہ جماع ترک نہ کرے اگر عورت جوان ہو۔
مسئلہ (۲۴۴۱)جس عورت کے ساتھ متعہ کیاجارہاہواگروہ نکاح میں یہ شرط عائد کرے کہ شوہر اس سے جماع نہ کرے تونکاح اوراس کی عائدکردہ شرط صحیح ہے اورشوہر اس سے فقط دوسری لذتیں حاصل کرسکتاہے لیکن اگروہ بعدمیں جماع کے لئے راضی ہو جائے توشوہراس سے جماع کرسکتاہے اور دائمی عقد میں بھی یہی حکم ہے۔
مسئلہ (۲۴۴۲)جس عورت کے ساتھ متعہ کیاگیاہوخواہ وہ حاملہ ہوجائے تب بھی خرچ کاحق نہیں رکھتی۔
مسئلہ (۲۴۴۳)جس عورت کے ساتھ متعہ کیاگیاہووہ شب خوابی کاحق نہیں رکھتی اور شوہرسے میراث بھی نہیں پاتی اورشوہربھی اس سے میراث نہیں پاتا۔لیکن اگر( ان میں سے کسی ایک فریق نے یادونوں نے) میراث پانے کی شرط رکھی ہوتواس شرط کاصحیح ہونا محل اشکال ہے لیکن احتیاط کاخیال رکھے۔
مسئلہ (۲۴۴۴)جس عورت سے متعہ کیاگیاہواگرچہ اسے یہ معلوم نہ ہوکہ وہ خرچ اورشب خوابی کاحق نہیں رکھتی اس کانکاح صحیح ہے اوراس وجہ سے کہ وہ ان امورسے ناواقف تھی اس کا شوہرپرکوئی حق نہیں بنتا۔
مسئلہ (۲۴۴۵)جس عورت سے متعہ کیاگیاہو وہ شوہر کی اجازت کے بغیرگھر سے باہرجاسکتی ہے لیکن اگراس کے باہر جانے کی وجہ سے اگر شوہر کی حق تلفی ہوتواس کاباہرجاناحرام ہے اور اس صورت میں جب کہ اس کے باہرجانے سے شوہرکی حق تلفی نہ ہوتی ہوتب بھی( احتیاط مستحب کی بناپر)شوہرکی اجازت کے بغیرگھرسے باہرنہ جائے۔
مسئلہ (۲۴۴۶)اگرکوئی عورت کسی مردکووکیل بنائے کہ معین مدت کے لئے اور معین رقم کے عوض اس کاخوداپنے ساتھ صیغہ پڑھے اوروہ شخص اس کادائمی نکاح اپنے ساتھ پڑھ لے یامدت مقررکئے بغیر یارقم کاتعین کئے بغیرمتعہ کاصیغہ پڑھ دے توجس وقت عورت کوان امورکاپتاچلے اگروہ اجازت دے دے تونکاح صحیح ہے ورنہ باطل ہے۔
مسئلہ (۲۴۴۷)اگرمحرم ہونے کے لئے( مثلاً) باپ یادادااپنی نابالغ لڑکی یا لڑکے کانکاح معینہ مدت کے لئے کسی سے پڑھیں تواس صورت میں اگراس نکاح کی وجہ سے کوئی فسادنہ ہوتونکاح صحیح ہے لیکن اگرنابالغ لڑکاشادی کی اس پوری مدت میں جنسی لذت لینے کی بالکل صلاحیت نہ رکھتاہویالڑکی ایسی ہوکہ وہ اس سے بالکل لذت نہ لے سکتاہوتونکاح کاصحیح ہونامحل اشکال ہے۔
مسئلہ (۲۴۴۸)اگرباپ یادادااپنے بچہ کاجودوسری جگہ ہواوریہ معلوم نہ ہوکہ وہ زندہ بھی ہے یانہیں محرم بننے کی خاطر کسی عورت سے نکاح کردیں اورزوجیت کی مدت اتنی ہوکہ جس سے نکاح کیاگیاہواس سے استمتاع ہوسکے توظاہری طورپرمحرم بننے کامقصد حاصل ہوجائے گااوراگربعدمیں معلوم ہوکہ نکاح کے وقت وہ لڑکی زندہ نہ تھی تو نکاح باطل ہے اوروہ لوگ جونکاح کی وجہ سے بظاہرمحرم بن گئے تھے نامحرم ہیں۔
مسئلہ (۲۴۴۹)جس عورت کے ساتھ متعہ کیاگیاہواگرمرداس کے نکاح میں معین کی ہوئی مدت بخش دے تواگراس نے اس کے ساتھ ہم بستری کی ہوتومردکوچاہئے کہ تمام چیزیں جن کاوعدہ کیاگیاتھااسے دے دے اور اگرہم بستری نہ کی ہوتوآدھامہردینا واجب ہے ۔
مسئلہ (۲۴۵۰)مردیہ کرسکتاہے کہ جس عورت کے ساتھ اس نے پہلے متعہ کیاہو اور ابھی اس کی عدت ختم نہ ہوئی ہواس سے دائمی عقد کرلے یادوبارہ متعہ کرلے لیکن اگر عقد متعہ کی مدت ابھی پوری نہ ہوئی ہو اور عقد دائم کرے تو عقد باطل ہے مگر یہ کہ بقیہ مدت کو ہبہ کرنے کے بعد عقد کرے۔
